Vyrde Veiking!     
Etter 12 konvoier har me endelig gredd det. Me har fått lov til å vitje kommunens største øy, ...  Hovden.

Fredag 27. juni dreg vi til Bareksta, der grendalaget vil ta i mot oss på beste måte. Bareksta har muligens den største og tryggaste hamna Veikingkonvoien har vitja, der ein kan velge om en vil ligge ved hovedkaia der alt skjer, eller om ein vil finne litt roligare stad på andre sida.. Programmet foregår på kaia eller i den store bua. Så her kan ein være innadørs om det regner og. Sjølvsagt vert det dans, så hugs Brylcreme og Stomatol!

Laurdag vaknar vi sjølvsagt til strålande solskin! Etter sortering av fendrar, dreggtau, dieselfilter, formloff og solbadolje, dukkar vonleg startsveiva fram slik at motoren tek til å dunke. Då dunkar vi oss sørover til Fanøy der vi blir teke i mot med skjærgårdsløye. Denne laurdagen bør det vere litt av kvart for ungar og familiefolk å ta seg til

Til like med tidlegare år, er det grendelaga og lokale eldsjeler som gjer alt arbeidet. Vi i konvoileiinga er nøgd med rosande omtale og eit kyss på kinnet. Elles er det sjølvsagt viktig for oss at konvoien går fint føre seg, utan slåsting, båtfyll og anna farkeskap. Reknar med at alle veikingar gjer sitt til at desse strandhogga vert til gode opplevingar for alle.

Heller ikkje i år kom me utan om auke i konvoi avgifta. Dette grunna me i alle år har fylgd Posten si prislista for A post.(brev<20g).  Auka er på 50 øre sidan førre år, og konvoiavgifta er beklagelig vis komen opp i kr 7,- pr. båt. .

Konvoiavgifta betalar ein ved landligge på Bareksta eller Fanøy. Båtar over 30 fot må ut med dobbel avgift, mens kajakkar går som tidlegare år som B-post.